ჩვენი საქმიანობა

კომპანია საქმიანობს 2006 წლიდან, თუმცა ეს ყველაფერი უფრო ადრე, 2000 წლიდან დაიწყო ღვინის, სახელად, "თელიანი ველის" წარმოებით. 2006 წელს GDL-მა გადაწყვიტა, რომ სადისტრიბუციო საქმიანობით საკუთარი პროდუქციის გაყიდვებზე მოეხდინა მეტი ფოკუსირება და გაეხადა უფრო პოპულარული, ვიდრე იქამდე იყო. ამ ეტაპზე კომპანია უპირობო ლიდერია თითოეულ კატეგორიაში. ამჟამად მის პორტფელში დაახლოებით 30-მდე პროდუქტია, რომლის ექსკლუზიურ გაყიდვას და ბრენდის განვითარებას კომპანია საქართველოს მაშტაბით მრავალი წელია ახორციელებს. მათ შორისაა: თელიანი ველი, ბაგრატიონი, Macallan, Lavazza, კამპა, Medoff, Sobieski და სხვა პროდუქტები, რომელთა ჩამონათვალი შეგიძლიათ იხილოთ განყოფილებაში “პროდუქცია”. კომპანიას მფლობელობაში ჰყავს ორასამდე ავტომობილი, 600 თანამშრომელი და ითვლის 8 ფილიალს საქართველოს მასშტაბით.

კომპანიის ახალ ეტაპზე გადასვლისა და საქმიანობის არეალის გაზრდის შემდეგ დადგა რებრენდინგის საჭიროება: “თელიანი თრეიდინგი” გახდა “GDL” - Georgian Distribution and Logistics company, ანუ სადისტრიბუციო მომსახურების პარალელურად კომპანიამ დაიწყო ლოგისტიკური მომსახურების განვითარება 3PL მიმართულებით, რაც მოიცავს: პროდუქციის შენახვასა და მართვას, შეკვეთების აწყობასა და მიწოდებას, საბაჟო მომსახურებას და შიდა ტრასნპორტირება. ამჟამად კომპანიის საკუთრებაში 80 სხვადასხვა ტვირთამწეობის სატვირთო ავტომობილია, რომელიც უზრუნველყოფს 11 000-მდე სავაჭრო წერტილის პროდუქციით მომარაგებას. 7 საწყობი საქართველოს ყველა მსხვილ ქალაქშია განთავსებული. კომპანიის საკუთრებაშია საბაჟო საწყობი და საბროკერო მომსახურება.

კომპანია მის უპირველეს მიზნად და მოვალეობად მიიჩნევს,  ქვეყნის ეკონომიკის განვითარებას საქართველოში წარმოებული პროდუქტის რეალიზაციით. გარდა იმისა, რომ GDL ქვეყნის შიგნით ცდილობს მიზნების განხორციელებას, ასევე მის ფარგლებს გარეთ გზავნის პროდუქციას და გლობალური ბაზრის გამდიდრებას ცდილობს ეროვნული ნაწარმით. ამ ეტაპზე ექსპორტირებული პროდუქტები: ლუდი - “შავი ლომი”, ლიმონათი - “ყაზბეგი” და ლუდი - “აისი” საკმაოდ მნიშვნელოვან ადგილს იკავებს გლობალურ ბაზარზე.